古仔青雲兄弟決裂險郁手
影帝張家輝、劉青雲、古天樂（古仔）及吳廷燁正拍攝寰宇電影《掃毒》，繼早前古仔危吊玩命後，日前古仔在泰國某「鬼樓」與青雲上演兄弟決裂戲碼，戲中二人「動真火」嗌大交兼扭作一團，幾乎大打出手，之後要由家輝和吳廷燁做「和事老」。期間，由於拍攝場地多塵又多沙，故演員們幾經追逐後，搞到一腳泥沙。
問到家輝是否經常做勸交角色？他說：「就係現實生活無機會，我一向唔鍾意同人嘈，身邊朋友都好斯文，古仔同青雲都做得好好，帶動到氣氛。」之後眾人又移師森林，出動直升機拍攝與毒販對峙的場面，更在四十度高溫下暴曬，家輝則表示唔辛苦：「工作人員對演員好好，有嘢飲、休息時又有得上車歎冷氣，不過佢哋就要暴曬，都戥佢哋辛苦，有幾個仲中暑，好彩冇咩大礙。」
