無綫晒冷造勢 維基冚旗
無綫面對來勢洶洶的香港電視不斷出招反擊，昨日在「香港國際影視展2013」大晒冷，出動30多位花旦小生狂谷新劇，聲勢浩大。反觀，向來積極的王維基旗下香港電視則沒有派出藝人到攤位撐場，場面冷清。
「香港國際影視展2013」昨日在灣仔會展舉行，無綫晒冷出動30多位小生花旦，包括黎耀祥、胡杏兒、陳法拉、陳豪、陳茵媺、徐子珊、岑麗香、胡定欣等為「TVB 2013隆重鉅獻記者會」撐場，力谷9套劇集宣傳，人強馬壯。除了人多勢眾，無綫攤位較去年大一倍兼在前排當眼位置，相對「死敵」王維基的香港電視攤位，既沒有派出藝員，位置亦較遜色，明顯冷清。
黎耀祥操肌露肉
最近忙拍《巾幗梟雄之諜血長天》的杏兒透露將有連場激情戲，對手包括有黎耀祥、蕭正楠、連金剛三男，她笑說：「除咗馬賽之外，幾乎個個都有份，自己都唔想太濫，會同導演傾吓點拍。」劇中演臥底的杏兒要施展美人計，她擔心不夠女人味，自言要參考電影《色，戒》偷師。
同劇的黎耀祥則希望減10磅，他說：「瘦啲會硬朗啲，劇中都要露肉拍受傷、溫泉戲，要再操吓肌肉。」講到近期的弒父殺母案，他說：「好可怕，我個仔都有打機，但唔過分，小朋友最緊要有開心童年。」而陳展鵬一口氣為三套主演劇集宣傳：「係時勢造英雄，一來公司大搞、加上唔夠演員。」而他有份主演的《心路GPS》於通訊局共接10宗投訴，指劇集無新意、粗俗及令人不安等。
另外，香港電視第一次擺攤，企業傳訊助理總監鄭靜雯表示：「第一次辦，主要係見買家同合作夥伴。但劇集都係希望有牌先在香港做首播，始終我哋啲製作都係為香港人而做。」
文：影視組