惠英紅負手傷會韓星
影后惠英紅昨率新片《冬戀望日》演員韓星趙漢善、內地男星趙楚侖及新人楊子瑤出席新片記招，紅姐現時拍戲要中港兩邊走，只能抽出一星期在韓國拍《冬》片，於戲中演趙漢善母親的紅姐說已做足功課，除上網搜尋趙漢善資料，更在學習韓文︰「戲中要講韓文，最驚呢樣，依家練緊，開工時有空檔，會用自己拼音嘅韓文對白嚟練。」
問紅姐會否在韓國識男友？她笑說︰「拍一場雪地撞車戲都要兩日，邊有時間。依家擔心拍嗰時右手未好番，之前拍劇整親，冇時間睇醫生，只係攞X光片畀家庭醫生睇，佢話裂紋唔清晰，懷疑筋發炎，聽日（今日）會去睇骨科。」