桂綸鎂失影后「點」都輸

「第七屆亞洲電影大獎」昨晚於灣仔會展舉行，一眾嘉賓於傍晚時分陸續踏上紅地氈。楊紫瓊、葉德嫻、桂綸鎂、楊千嬅、鍾麗緹、Jessica C.、陳法拉、周麗淇、劉心悠、內地女星柳岩等，眾女星當然不放過爭妍鬥麗的黃金機會！憑電影《女朋友．男朋友》先後獲亞太及金馬影后的桂綸鎂，今次再以該片問鼎「最佳女主角」，聯同拍檔鳳小岳現身的她，穿上Christian Dior黑白圓領連身裙密實打扮，雖然沒甚睇頭，但相信伊人欲以實力取勝。小鎂坦言對入圍未感壓力，是晚乃參加派對心情，沒有多想得獎與否。不過最後小鎂失落影后寶座，敗給菲律賓女星諾娜．歐奈演出的電影《出讓丈夫的女人》。

楊紫瓊閃爆全場

芸芸女星當中以JC最進取，穿Leonard超Deep V透視jumpsuit上陣的她，力谷警鐘胸，期間還疑似透點，引來鎂光燈閃不停。JC透露服裝是最後一刻才收到，笑言專程到來吸收經驗，望日後能啟發其電影路，還視楊紫瓊為目標，欲以動作加性感闖出名堂。已為人母的鍾麗緹則以金色開胸tube dress亮相，問為何如此性感現身？她謂：「我好耐冇新戲上，上次已經係《李小龍》，今次想靚靚出嚟。（真空上陣？）咁耐冇見我都唔問電影嘢？」相反與鍾麗緹一同進場的內地女星柳岩，穿Deep V連身裙兼「八字波」盡現，但仍大方表示真胸上陣：「我沒辦法不真空！」

JC每次出席活動都不吝惜展示招牌警鐘胸。	鍾麗緹	Jocelyn谷行咪咪拖實老公進場。

無綫花旦陳法拉夥拍朱璇現身，罕有以白色低V兼大露背的法拉表示幾日前才獲悉出席盛會，由於借不及衣服，惟有出動私伙，笑言毋須向男友申請「批文」。剛獲「卓越亞洲電影人大獎」的楊紫瓊壓軸登場，配上Van Cleef & Arpels鑽飾的她閃爆全場，笑言不知鑽石有多少卡。問為何不見男友蹤影？她謂：「佢幫我做道路安全活動，同埋外國都有賽車，下星期大家會去馬拉聚首。（男友同你慶祝？）未諗到。（打電話畀你？）工作人員好鬼馬拍咗Video播映，所以都分享咗喜悅，返到去會同家人慶祝。」

劉心悠	楊紫瓊雖未有「大開中門」，但一身閃爆服飾依然搶鏡。	法拉晒白滑玉背做影「後」。

周麗淇想演奸角

至於亦戴上Van Cleef & Arpels鑽飾的心悠表示，稍後將拍內地劇《步步驚情》，對於舊拍檔鄭嘉穎未能參演感可惜，並再重申二人緋聞非真實。而周麗淇以白色長裙打扮，自言向來非走性感路線，更指自當年獲「新人獎」提名後便絕迹提名榜，望今年能再拍戲打入影壇，更欲試演奸角。

文：影視組