吳千語獲林峯冚被sweet爆
與林峯蜜運中的吳千語昨晚出席活動時，未知是否受男友的遲到陋習影響，遲了四十五分鐘才現身，對於日前被拍得跟林峯在機艙上「纏綿」，千語解釋男友只是為她蓋被，她說：「嗰日我一上機就瞓咗，起飛後佢拎起我隻手幫我冚被，我當時瞓咗冇知覺，不過我覺得呢個感覺好sweet，唔明點解扭曲咗？（話你哋錫到唧唧聲？）係有錫，不過都係on face咁錫。」
對於有指她掃了150萬貨？她說：「係幫佢媽咪買，不過最後都買唔到，（影到你攞住個名牌紙袋去退稅？）其實係我送畀佢，係一條手帶，（佢有冇送嘢畀你？）見到啱就會買。」