唐詩詠行街食雪糕舔舔脷

唐詩詠早前未能出示有效行車證兼違例泊車遭連環票控，狂食完「牛肉乾」的她日前未有再揸車兜風，改為相約女性朋友行商場解悶。當日下午5時左右，一臉素顏的她和友人於中環一間平價時裝店揀衫，落足眼力左望右望，繼而連行三間店舖，不過，最終都未有收穫。未幾唐詩詠和友人行去雪糕店，一人買一杯，邊行邊食，食到伸晒脷的唐詩詠，懶理儀態，食住雪糕照行商店。