阿澤呃Celia倒奶贏DaDa

杜汶澤與導演彭浩翔前晚率領一眾演員，包括o靚模陳靜（DaDa）、Celia K.（郭穎兒）、賈曉晨（JJ）及邵音音等出席新片《飛虎出征》煞科宴，惟有份主演的余文樂（樂仔）缺席。

撐老友專一

剛獲香港電影評論學會大獎最佳男演員的阿澤甚風騷，穿連身短裙的Celia拍照時，阿澤見她胸前密實便由遠處拋下一條餐巾，並大叫：「你跌咗嘢呀！」Celia即傻更更俯身執餐巾，並露出三吋事業線，撼贏包到冚的DaDa。自稱唔飲得的JJ亦被阿澤灌酒兼揶揄說：「呢度唔係橫店，冇人識詠春，唔使驚。」

拍照時，杜汶澤為Celia除去外套。	以密實打扮現身的DaDa最近積極減肥。	彭浩翔（左）與阿澤前晚經常以余文樂的戀事做笑柄。

提到被指與吳雨霏蜜運的老友樂仔缺席，阿澤大講有味笑話：「佢出『征』呀，無謂阻人啦，我係講長征個『征』。（樂仔避傳媒？）唔知佢有冇『避』喎。一個明星又靚仔又有錢，支槍裝滿子彈唔發射好淒涼。」有指樂仔「雜食」，鄧麗欣因勸告吳雨霏導致姊妹反目，對此阿澤撐樂仔專一。

近日發胖「升胸」的DaDa正做運動減肥，問胸圍有否降Cup？她說：「冇，因為我keep住瞓覺戴bra，承托力好啲。」戲中串演大肚婆的DaDa說有機會大罵阿澤，並說本想做性感孕婦：「因為大肚拉到件衫好大，變咗上面大唔過個肚。」對於自己有份演的《低俗喜劇》被指引發中港矛盾，DaDa指未有資格評論，但認為娛樂和政治不應相提並論。

文：影視組