間接傷害陳司翰 莊思明：唔好意思
前港姐莊思明（Lisa）早前被《好報》獨家拍得與舊愛陳司翰密會，其後爆出與拍拖幾個月的混血男友分手，不過她強調分手一事未涉及第三者：「大家和平分手，因為各自追求嘅嘢唔同，其實大家一路都有傾呢個問題，發覺分開會比較好，所以唔關任何人事。」至於舊愛陳司翰，年前Lisa與其分手時盛傳反目成仇，再見不是朋友，如今被指翻撻，Lisa不願多作回應：「順其自然啦，感情事唔想講太多，因為要保護事業和對方。」
分手不涉小三
雖然如此，Lisa言談間卻處處維護舊愛，不但強調二人關係已破冰，更公開向對方道歉謂：「其實當時我自己單方面公開已經分開，只係想用簡單方法回應私人生活，估唔到令佢有好多負面報道，傷害咗身邊嘅人，所以要同佢講聲唔好意思。」Lisa坦言看到陳司翰受盡千夫所指，故決定要還對方一個公道，她說：「因為已經過咗一個敏感階段，所以要澄清，當時分手冇涉及其他人，總之唔係外界講到咁，我了解佢為人。」至於當初分手原因，Lisa不願再多提，只拋了一句：「冇必要再講了。」
文︰專案組
攝︰吳文聰
場地︰LUPA
髮型︰Nelson@HAiR（利舞臺）