細細粒恨拍《老表》電影版

憑劇集《老表，你好嘢！》人氣急升的「細細粒」陳嘉佳（小寶）及「鬼妹」陳明恩，昨到太子為無綫節目《街坊廚神食四方》任嘉賓，小寶說：「拍食嘢好幸福，平時啲朋友食放題至預我！（《老表》續集幾時開？）未收到風，話時話我想問係咪真係有電影版？（傳你拍《一路向西》續集？）推咗，因為要拍新劇《食為奴》所以撞期，點去泰國一個月？（要開黃子華新劇？）未有聲氣。（棄大銀幕報答無綫？）唔係，係無綫畀機會我至有今日，我都想喺電視曝光多啲。我想話，有好多人搵我，但原來係想搵陳明恩拍戲囉！」