王梓軒重申無獲父資助
即將推出新歌的王梓軒，昨出席體育節開幕禮時，再被舊事重提，指其任職香港藝術發展局主席的父親王英偉被指涉用公帑力捧他的風波。王梓軒重申報道不實，並指父親為免尷尬自此避開與他同場出席活動，即使他稍後舉行小型音樂會，父親亦未必捧場。王梓軒說：「爸爸有唔開心，佢同我解釋工作上有唔同山頭，一定有反對佢嘅聲音，但件事唔係真，因為根本冇（公帑）條數出現過。」王梓軒自言以前也有試過財經及銀行工作，但與父親「唔同level」，無意子承父業。
同場的張名雅早前被拍到與無綫舞蹈藝員阿堅約會，她緊張否認阿堅是男友：「之前華姐才藝表演搵佢幫手排舞，想食餐飯多謝佢哋，本來仲有個女仔，但臨時甩底，如果拍拖都唔會去銅鑼灣啦。」她解釋因腳腫才翹實阿堅，又稱感覺不到被阿堅「撩」她大髀。問阿堅是否對她有意思？張名雅說感覺不到。