阮小儀開餐遇抄牌冇啖好食
唐詩詠連環被抄牌，同晚阮小儀駕車外出開餐，亦險被抄牌，幸得食店職員通風報訊，及時趕出門口揸走座駕，逃過被抄牌一劫，認真幸運。
前晚7時許，小儀獨自前往大坑一間日本餐廳醫肚，因當時附近的咪錶位已爆滿，故她將座駕停泊在餐廳對開的當眼處，後來有警員到來抄牌，她即揸走座駕在附近兜圈，待警員離開後又折返餐廳繼續食。但她今次把座駕泊在餐廳門口，想不到10分鐘後，一名警員站在其座駕旁準備抄牌，幸好食店職員及時通知小儀，見小儀含住啖飯，衝出門口將座駕揸走。雖然慳番$320，如果想食餐安樂飯，下次都係泊番停車場啦！
