唐詩詠的座駕被發現未續行車證而收到告票，其後她懶理告票即時揸車離開，黃國桐律師說：「揸車走冇乜問題，佢只係觸犯交通條例，唔算刑事，只要佢繳交約幾千蚊罰款同續行車證就得。」黃國桐表示，詩詠若再被發現未續行車證駕駛，刑罰會加重，他說：「法官就判得重好多，有機會被判停牌或唔適合駕駛。」
不過黃國桐提到座駕除需有行車證外，強調為車買保險是必然的，他說：「如果喺冇行車證而有買保險嘅情況下傷人，最少保險有得賠，個官都係判不小心駕駛，但如果喺冇買保險下傷人，情況會更嚴重，大有機會判危險駕駛，而實際刑罰會以個別事件而定。」