唐詠詩行車證過期違例開車

多年來與崔建邦在情路上幾番兜兜轉轉的唐詩詠，早前因為陪無綫「男神」馬國明慶祝生日，而突然傳出緋聞，唐詩詠與崔建邦傳緋聞多年，馬國明本身亦有緋聞女友朱晨麗，一段混亂的四角關係，認真複雜到爆！難怪唐詩詠近日頻頻出動，相約不同好友傾心事，似是情緒相當受困。

上月8日已到期

前晚唐詩詠約好友林子萱於中環訴苦，兩人於餐廳內邊食邊傾，全程雞啄唔斷，傾足多個小時亦未願離開。當晚11時許，記者發現雖然不遠處已有收費停車場，但唐詩詠明顯貪方便，隨意將座駕停泊在士丹頓街街邊，當其時車頭擋風玻璃上已經夾住兩張告票，顯示晚上9時多已經被抄牌，而且同時被票控違例泊車及未能展示有效行車證兩項違例事項，每張罰款320元，合共640元。記者再仔細一看唐詩詠車頭貼上的行車證，原來早在上月8日，即農曆新年前行車證已經到期，足足過期二十日有多，看來近期被緋聞困擾的唐詩詠都相當大頭蝦。

放大圖片	唐詩詠違例泊車兼行車證過期20多日，連環收告票。	放大圖片

見告票嘴扁扁

及至晚上11時30分，身穿白色貼身衫，谷晒胸的唐詩詠，素顏戴眼鏡和同行跌膊露出綠色吊帶背心的林子萱由遠處步行而至，眼見記者守候在前，加上車頭一大堆告票，唐詩詠明顯不悅地嘴扁扁，但仍保持禮貌地向記者打招呼，至於身邊的林子萱則真情流露，忍不住O嘴兼驚叫：「嘩！抄咁多張呀！」並行上前代為取下告票，隨即上車將告票交給唐詩詠。

雖然行車證過期兼剛被抄牌，唐詩詠仍大無畏揸車送林子萱走人。	唐詩詠約林子萱訴苦數小時，硬食兩張牛肉乾。	林子萱幫手上前取下夾在車頭擋風玻璃的告票。

剛剛被抄牌，加上行車證過期，唐詩詠依然大無畏，在記者包圍下登上司機位，繼而探頭出車窗問記者：「前面啲車係咪你哋o架？可唔可以讓少少畀我出呀？」記者表示不認識附近的車，但應該有足夠位出車，唐詩詠即小心翼翼地將座駕駛出，親自駕駛無有效行車證的車輛，送林子萱離開。

文、攝：追蹤組