楊諾思愛子自導自演畀80分
英皇鐘錶珠寶主席楊諾思（Cindy）前晚出席其公司舉行的Yo Yo「友‧情」上載頒獎典禮，為配合「友‧情」的主題，特別找來兒子張高銘（Justin）拍攝一套微電影，即場播放。Cindy透露與老公商量後找兒子操刀，Justin除自編自導外，還親自主演，她說：「阿仔依家喺紐約修讀電影系，今次搵佢拍，係希望以年輕人方式去表達愛，（畀囝囝幾多分？）七、八十分，都唔錯，因為太少時間做，我哋只係畀咗兩個星期佢。」
片中Justin與女主角有離別鏡頭，被問是否他女朋友？Cindy說：「唔係，只係同學仔，我都見過，佢未有女朋友，不過如果要拍拖我都畀。（有冇要求佢女友條件？）佢識諗，我知佢鍾意斯文嘅女仔。」