女子組合Super Girls的Heidi最喜歡四圍尋找美食，一有空閒便會約埋朋友周圍歎「好嘢」，她對生蠔更是情有獨鍾：「我好鍾意食生蠔，試過去食buffet，一round有六隻蠔啦，我一個人食咗三轉！」Heidi更會捐窿捐罅去搵靚生蠔，她說：「有次朋友帶我去紅磡食蠔，啲蠔係即時由日本坐飛機運到嚟，勁新鮮，係我食過最好味嘅。」她對生蠔的質素亦甚有要求，愛食有鮮味、海水味及肥美大隻的，堪稱「達人」。
Heidi還煮得一手好菜，日前更和隊友一同歎住家菜：「我最拿手係煮魚香茄子、可樂雞翼同豆腐煲，其實以前都整過飯盒畀男朋友食，佢都話好食o架，唔係呃我氹我開心，係真o架！」