黃秋生接受內地傳媒訪問，批評內地劇組學了香港80、90年代歪風，好的偏不學，他昨日接受電話訪問表示：「有工作人員開工顧住睇拍戲，群眾演員就冇人管，掛住影明星，你話呢度係主題公園，我就畀你影足八粒鐘，收工！」
他又指劇組的不當安排很影響演員情緒，拍外景時不圍繩，任由遊客拍照，更揭開演員休息帳篷，另透露有演員因病入院，被劇組指詐病，要立即開工，他直言：「有冇尊重過人？有啲仲叫埋自己女友嚟拍戲，但夠膽死『尋晚玩夜咗，起唔到身』冇到，如果咁嘅生態都冇問題，我演藝學院出身，30年經驗，就係唔識做戲、混吉囉！我戥佢哋慘咋！我有乜所謂？」