Mia讚富二代：好勤力做嘢
失婚模媽陳靜儀（Mia）緋聞一籮籮，《好報》昨日更踢爆她與深圳富二代陳俊宇當街啜磨！本報致電身在馬來西亞開工的Mia，證據確鑿還死口堅稱彼此是「醉街兄弟」，但又大讚對方「好勤力做嘢」，到底勤力做甚麼，認真寓意無限！
周秀娜師妹，現年24歲的Mia入行後緋聞不絕，自與龐錢景峰分手後，又先後跟陳肇麒、娜姐舊愛陳偉成（Avis）等傳緋聞。《好報》更獨家踢爆Mia日前與深圳富二代陳俊宇情陷夜中環，二人在酒酣耳熱下當街親熱，Mia還施姣功谷胸狂捽對方，陳俊宇顯得相當受落，在Mia耳鬢吹氣，睇見都眼冤。
內地工作相識
記者致電身在馬來西亞的Mia，她起初只表示當天同行還有另一名女友人，看過報道雖然證據確鑿，但依然死口唔認與對方撻着，堅稱彼此並非情侶，她說：「未係呀！我哋只係好兄弟，佢嚟香港咪帶佢玩吓，係醉街兄弟至真！」Mia表示，彼此是在內地工作認識，還未去到拍拖階段。問對對方有甚麼感覺？她竟說：「佢好勤力做嘢o架！」但問到做甚麼勤力，她又答不出口。問到對方是否與她返歸「撲火」？Mia說：「佢送我返到樓下咋，我屋企好細，冇得分房瞓！」
關係耐人尋味
Mia前夫莊家傑接受電話訪問時，對於Mia又有新戀情，只淡然地謂：「其實我哋分開咗，已經冇聯絡，不過都祝福佢。」雖然一對子女的撫養權歸Mia所有，但莊家傑表示每星期都有探望仔女，他說：「有見，不過都係同Mia媽咪聯絡！」此外，Mia昨日在Instagram上載與香檳合照，所穿的裙子與陳俊宇上載的一模一樣，相信兩人當時應該出現同一場合。如此經常見面，Mia仍死撐只是「醉街兄弟」，二人關係耐人尋味！
文：專案組