鍾一憲認與男伴串燒敍舊
屢傳斷背緋聞的歌手鍾一憲（Jason），日前被《好報》獨家拍得在凌晨時分，與同性密友雙雙現身元朗食串燒，當晚Jason懶理食店有不少顧客，主動畀錢買串燒與男友人撐枱腳「蜜蜜」食，大獻殷勤的他更與男友人一份串燒兩份分，更愈坐愈埋咬耳仔，狀甚親暱，當意猶未盡的他想「嚟多round」買串燒時，突然發現記者便立刻變面及鬆人。
昨晚Jason透過電話回應，他否認二人有特殊關係：「大家係識咗六年嘅好朋友，嗰晚喺港台頒獎禮見番佢，咁啱大家又住得近，所以就約喺元朗食串燒。」不過他承認當晚是自己主動畀錢埋單：「坐咗無耐就發現有記者在場，唔係驚啲咩，係費事麻煩就畀錢拎走，都係百幾蚊啫，冇咩所謂。」
