堪輿學家陳子才大讚「峯語」合襯：「林峯屬土，吳千語屬金，土生金，表示林峯好錫吳千語，她亦覺得林峯好保護自己。佢哋夫妻宮相合，二人嘅溝通融洽愉快。」他又指二人的結婚年均為2013年：「結婚年唔代表會結婚，可以代表遇到結婚對象，即表示佢哋遇到真桃花。男方可能喺2014年向女方求婚，然後喺2015或2016年結婚。2016年林峯有機會淡出演藝圈，吳千語喺呢年行『舒服得財運』，即代表佢結婚之後唔使做。」他還大讚吳千語命格好，由2006年行足40年旺夫、旺老闆運，嫁到好老公又愈來愈富貴。