林夏薇同「峯嫂」食飯
林峯與女友吳千語難捨十多小時即心癢癢，待千語做完慶功撲往孖住食晚飯兼唱K，不過早前林峯與另一班工作人員慶功，可能當時高層樂易玲都在場，他只帶堂妹林夏薇到場，眾人吃至凌晨時分才離去。
記者昨日致電林夏薇，她指近日忙於拍劇沒有見過阿哥林峯，但坦言見過「阿嫂」吳千語，林夏薇說：「佢哋之前拍電影，我都有探過班，嗰陣佢哋應該拍緊拖。（點介紹畀你？）都係朋友咁，大家之後都試過一齊食飯。（食飯時林峯對千語呵護備至？）阿哥個人不嬲都好細心、好gentleman，對邊個都咁好，照顧佢之餘都夾餸畀我。（覺得『阿嫂』點？）都幾好呀！最緊要佢（林峯）鍾意。」
