張智霖解開情謎 代審樂仔

張智霖（Chilam）和Neway二少奶諸葛紫岐昨日一同出席時裝騷，Chilam被問到知否好友余文樂和吳雨霏（Kary）拍拖？他表示不知情，因近期沉迷上網，很少看新聞，並笑言今年目標是要戒掉上網壞習慣，怕囝囝會學他，認為不應再在虛構世界生存。問是否認識Kary？他坦言：「公開場合見過，冇食過飯，覺得佢唱歌好聽。（佢哋外形襯？）型男型女，如果係都係好事，男未婚女未嫁，（下次打邊爐叫樂仔帶埋Kary？）唔係（拍拖）咁點算？如果見到面就幫大家審吓佢。」問樂仔有沒有在他面前呻過dry？他表示二人很少見面，見到都掛住玩，不會傾心事。

樂霏網上互動

至於會否鼓勵樂仔快些成家立室？他表示每人有不同選擇，只希望身邊朋友都生活愉快，亦不會向他們催婚，因每人幸福定義不同，有人會經營事業，自己則經營人生。另問他是否已續約Neway？他直言：「未續，但份合約已傾到放喺公司枱面。」他表示遲遲未動筆是因為自己有心理障礙，想唱歌但卻非常害怕做唱片宣傳，不過他仍然很享受唱歌給fans聽。

諸葛紫岐笑言若有BB就會剪短頭髮。

Chilam與諸葛坐頭排一同欣賞時裝騷。

另外，依然在外國遊玩的余文樂與吳雨霏昨日分別在instagram分享，余文樂上載了一張三文治相，表示是他食過最好味的三文治，吳雨霏即時畀個「Like」；而久未更新微博的吳雨霏，昨日則上載了一張疑似廳餐裏的蠟燭相，令人聯想起兩人是否展示同一餐廳的東西。

諸葛暫擱造人

而諸葛紫岐就把一頭長髮束起，驟眼看似是短髮，非常清新！她笑言都有想過剪短髮，問她剪短髮是否要預備懷孕？她笑言：「如果有一定會剪。」她又透露今年會出唱片，所以上半年會先擱置造人大計，如果有「意外」發生才改變計劃，由於早前她表示想找劉青雲拍MV，問她成功沒有？她扁嘴表示沒有了下文，因公司不理她的提議，但她都想找同場的張智霖合拍MV。

文：名人組