陳鈺芸喊爆驚見露體狂
曾接拍荷里活電影的歌手陳鈺芸（JuJu）昨日出席公開活動時聲稱遇上涉嫌露體狂徒，嚇得她當場落淚急急返回後台休息，由大會公關代為報警，警方在場調查一身上被搜出精神病歷卡的男子，但警方及JuJu稱該男子非涉嫌露體狂，現警方列作發現傻人事件處理。
精於雙截棍的陳鈺芸（JuJu）昨日與歌手裕美、區文詩等出席商場活動，眾歌手準備上台時，大會公關向記者透露JuJu遇上涉嫌露體狂，受驚的她在後台狂喊，記者即向JuJu了解，她詳細憶述被性騷擾經過：「準備上台時有歌迷叫我，我行去台邊簽名，有人拉開條褲，我只係見到好多黑色毛毛，好驚，嚇到呆咗。」經報警後，數位警員向在場一名男子作出調查，在其身上搜到精神病歷卡。
警列發現傻人處理
JuJu曾對記者聲稱警察盤問的男子是疑似露體狂，不過警察公共關係科發言人說：「涉嫌32歲姓方男子，喺佢身上發現精神病紀錄，但唔係露體嗰個，現列作發現傻人處理。」由於JuJu口供與警方有出入，記者再三致電JuJu了解，她說：「初時咁肯定係佢，因為身邊人同工作人員都話係佢，我好亂，所以都以為係佢，警方話喺佢身上搵到我簽名唱片，我先醒起我曾經幫歌迷簽碟，而真係疑似露體狂係畀咗張令立立卡紙我簽，但佢身上冇卡紙，所以唔係佢。」問她可記得疑似露體狂的樣貌？她表示：「我有擸過佢個樣，但因為我見過太多人，所以我唔記得，只記得佢係着深色褲，褲鏈打開咗，見到『黑忟忟』。」
JuJu坦言狂哭全因怪自己未有即時捉住對方，而讓他逃之夭夭，隨即再度澄清警方調查的男子並非露體狂。而同場的區文詩及裕美坦言沒有見到事發經過，抵死的區文詩說：「係咪真o架，我咩都睇唔到。」
文：音樂組