吳君如被擺上枱要收花紅
女星吳君如及監製黃百鳴昨日到旺角為賀歲片《百星酒店》謝票，提到被杜汶澤開騷爆料，君如即笑言要分他花紅，並要「反多次面」，問到是否介意？她開玩笑說：「皮毛嘢啫！佢爆多啲我就發律師信告佢誹謗囉！講笑啫！都係娛樂觀眾，我成日畀人抹黑o架啦！」她透露今晚或會捧阿澤場，但沒打算上台。另外她表示已欣賞周星馳的新片，雖然對方被批抄襲日本遊戲，但君如仍力撐對方：「我唔知有冇抄，但冇失望呀！我隔籬嗰個（陳可辛）仲係咁笑。」
至於黃百鳴表示《百》片已收千六萬元，暫時領先「死敵」曾志偉新片，對於志偉表示或不再拍賀歲片，百鳴說：「我就會繼續拍，咁叫志偉拍我嗰部。」問到會否撮合愛將吳千語及林峯拍戲？他說：「有適合劇本都冇問題！千語好成熟，唔會畀拍拖影響工作。」