曾志偉最怕佳麗一舊飯
華姐司儀曾志偉對心水佳麗各有評語，包括有淡定的(6)陳楚寰、很OK的(5)張名雅和(9)蔡潔及年年大熱地區之溫哥華佳麗(16)鄧佩儀，不過他對(4)邱芳思特別有印象，笑說因為對方牙尖嘴利：「其實呢啲係口齒伶俐啫！（鍾意？）總好過一舊飯或者只識講英文！（佢傳整容？）佢係咁多個佳麗中我覺得最有信心，近望又唔覺，畀我一種不勝無歸態度！」
另有關葉玉卿老公胡兆明「撩」飲酒作為復出拍劇條件一事，曾志偉昨稱為表誠意打算即刻飛去美國奉陪：「就算我飲輸，為表誠意我唔介意，因為上次卿卿拍完賀歲片後好鍾意香港，我知佢用咗好多方法令老公答應，如果我做呢樣嘢可以幫到忙，好樂意去做。」