祖兒重傳統 拜會龍母
自稱是個「好女仔」的容祖兒，知道男友劉浩龍重視屋企，所以依照傳統留港過農曆新年，當講到拜會未來奶奶時，祖兒卻尷尬笑稱「煩死」，又請記者不要加「未來」二字。
無綫於農曆年大除夕舉行《TVB新春黃金慶典》，前晚容祖兒、草蜢為打頭陣的11分鐘勁歌熱舞綵排。祖兒稱自2007年與草蜢合作後至今年才再碰頭，與好朋友合作大為開心。
原本打算在農曆年外遊的祖兒，在綵排時透露不會出埠，以便陪伴家人。問是否與男友二人世界？祖兒口窒窒說：「睇下點啦！（去男友家拜年？）唔係…去朋友屋企拜年！佢好重視屋企，所以希望一齊拜年。（見未來奶奶？）唔好話未來唔未來啦！煩死！（咁刪咗未來兩個字？）黐線！禮貌拜個年啫，唔使加個名堂上去！（男友Book咗期去你度拜年？）唔知…到時先算！」祖兒因留港舉動因獲讚乖巧，她不由分說自稱：「我係好女仔嚟o架！」
藉口留港逗利是
雖然祖兒因為「未來奶奶」這個名堂而表現得有點尷尬不懂招架，但言談間顯得甜絲絲的，還要用新鮮出爐新郎哥鄭伊健「過橋」，笑稱留港過年是為了逗伊健的利是，記者再取笑她是否想效法對方秘密結婚？祖兒即叫記者不要亂估，解釋只戥對方開心。
至於草蜢在《TVB新春黃金慶典》內與祖兒大跳辣身舞，問可覺有着數？三子中的蔡一傑笑說：「係佢着數，（一個歎你哋三個？）佢平時好少歎！（佢依家有得歎（指有男友）！）我指歎個舞台啫！」其後蔡一智再取笑祖兒稱她可歎三塊朱古力，還笑指三子只是「甜品」：「主菜唔係我哋…我指主菜係音樂！」
文：影視組