洪天明執正接家蔚出院
周家蔚剛於上月28日剖腹誕下龍仔TJ後，昨午12時15分由老公洪天明陪同出院。以一身飲衫現身的天明被問到為何不見BB蹤影時，他笑說：「BB返屋企囉，接老婆出院梗係要着靚啲。」家蔚表示原打算只餵人奶3個月，現考慮餵耐一點，所以不急於收身，她更大爆已有好友申請飲頭啖薑醋：「飲咗快啲有BB。（邊個？）唔講得。」天明聞言即對家蔚說：「咁你自己快啲飲多啲。」
天明後日便回內地拍戲，3月初才能回港，天明表示不會為BB擺滿月酒：「可能擺百日宴，不過就算擺都係一家人簡單食飯，唔想太誇張。」家蔚前晚在醫院亦忍不住在網上大晒BB新相，正在睡覺的小TJ，樣子十分乖巧可愛，難怪謝天華昨午與老婆探望家蔚母子時，不停大讚BB得意。