阿倫贈秋生：山水有相逢

阿倫的經理人兼藝能老闆張國忠昨日在上環的高級宴會旗艦「尚品薈」開幕，一班圈中藝人譚詠麟、李克勤、曾志偉、陳百祥、黃杏秀、苗僑偉等現身撐場。阿倫日前做正義之士，卻被秋生寸多事，昨日志偉一見阿倫亦忍不住取笑他。

秋生：唔想再講

對被秋生指多事兼九世前拍過戲根本和阿倫唔熟？阿倫說：「娛樂圈係大家庭，大家總會見到，唔明點解秋生話好耐冇見，大門永遠為佢開。」阿倫稱自己沒有秋生電話，有透過秋生助手聯絡秋生：「都想佢happy吓，廿五歲人，都想開開心心。」在旁的克勤提議小豬和秋生來玩《決戰一分鐘》解決問題。即是叫兩人互相KO對方？克勤謂：「唔係，有合作團體咁比賽嘅。」

黃秋生	張國忠（右）的高級食府開幕，一班老友齊齊隊酒。

至於阿倫可會嬲秋生？阿倫竟抵死說：「我不嬲都多事，山水總會有相逢，等佢嚟食嘢，有中菜、西菜、日本菜，大門為佢而開。（但好難約埋小豬？）我同秋生玩住先囉，兩個人都可以鬥地主。（請秋生睇賀歲片？）佢係影帝唔使啦，我喺佢身上學嘢先真。」昨晚記者聯絡秋生，秋生即沒好氣說：「唔好問啦，stop咗佢，唔想再講呢件事。」

克勤等打手指模

另外有傳無綫與四大唱片關係再「破冰」，指農曆新年後四大歌手能亮相無綫演唱？克勤亦露口風說：「我淨係知好事近，但手指模幾時打未知。」而環球唱片助理總經理譚先生表示：「我哋同無綫關係良好，大家合作方向係正面嘅，但有啲細節未傾好，好似歌手幫無綫唱歌賣埠等問題，而環球有一點係好鮮明，歌手唔會簽死一間電視台。」

而志偉昨與徐子珊及謝天華等錄影無綫節目《Big Boys Club》時，提到阿倫做和事老，志偉說：「阿倫喺嗰個場合講，秋生以為佢企嗰邊，做和事老要中立去講，小事無謂愈講愈深。」有指四大唱片獲無綫解封，他表示無綫老闆陳國強出了很多力：「佢好直接去關心呢件事，都攞出誠意代TVB盡快和解。」

文：音樂組