陳嘉寶恨拍拖條件禁慾
o靚模陳嘉寶與張致恒（Steven）前晚為拍攝的青春勵志戲煞科，陳嘉寶今年5月將大學畢業，現為學業及工作兩邊忙，她表示希望到韓國畢業旅行，不過工作檔期已排得滿滿，要與公司度期出埠。
農曆新年臨近，陳嘉寶直言恨拍拖，卻礙於宗教關係難找伴侶：「我好想拍拖，朋友仲安排相睇飯局，想搵個共同信仰嘅男仔，（怕婚前性行為？）係，有兩、三次講起呢個問題，都嚇走咗啲男仔。」而Steven透露已簽約TVB拍劇，現正拍攝《神槍狙擊2013》，最近便為劇中一幕除衫沖涼戲而不斷谷肌。
同場的麥貝夷原名為麥翠蘭，其普通話讀音就像「買菜蘭」，令愛搞鬼的Steven以此為樂，一直叫麥貝夷做「買菜蘭」！