鍾浠文染豪毒爆唇瘡

鍾浠文（Zelia）日前不避嫌在緋聞男友周柏豪演唱會上與對方伴舞，身為母親的鍾媽媽專程由內地來港捧場，由於Zelia以谷胸露股示人，問到有否嚇親媽媽？Zelia說：「我估有少少，因為佢喺後台不停掹長我條褲，我同佢講係咁長o架喇。」

事前忘記刷牙

專業的Zelia為以最佳狀態示人，開騷前三日開始節食，她說：「冇乜胃口，開騷嗰三日更加冇食嘢，因為怕眼瞓同頂住個胃。」由於她與柏豪在數千人前「激咀」，問到事前有否漱口？Zelia說：「初初諗過刷牙，不過忙於換衫就唔記得咗，惟有食薄荷糖。」

周柏豪開騷，一班好友官恩娜（左）、鍾浠文與連詩雅（右）均讚good show。

浠文攬住專程由內地來港捧場的媽咪，在後台合照。

合襯未必一對

Zelia自爆與柏豪「激咀」後嘴角生瘡，她說：「做完第一場返屋企落妝，發現嘴角生咗粒瘡，點知完晒三場，聽經理人講柏豪都生唇瘡，仲要同我粒唇瘡同一位置。（柏豪唔乾淨？）應該係交叉感染。」隨即哈哈大笑：「應該係佢太毒。」由於兩人是緋聞情侶，問到擔不擔心緋聞再度炒熱？Zelia說：「好多人都覺得我哋好襯，我哋身高同樣係襯，但通常襯就偏偏唔係一對，日後嘅嘢真係唔知。」

文：音樂組