陳百祥爆學友滑雪瘀事
藝人陳百祥（阿叻）與妻黃杏秀（秀姑）於聖誕去了韓國滑雪，叻哥說：「我從未試過今次咁凍，咁危險，大家撻到乜姿勢都有。」叻哥曾在滑雪聖地，遇到一位樂壇大哥、雪壇新丁，兩公婆每提起此事就笑呵呵。秀姑說：「嗰次真係好險，我哋滑緊雪，頭頂大塊黑影飛過佢頭……」叻哥接道：「團黑影飛過來就撞埋樹，個人戴住個護鏡，連玻璃都裂埋，睇真啲，原來係我哋樂壇歌神張學友。」
阿叻元旦回來，即去踢波，入了元旦第一球，卻苦嘗新年第一仆，「嗰日我做咗『陳祥』，我依家至知劉翔跌低感受。」叻哥話元旦入第一球時，場外有粉絲拍爛手掌邀他簽名，見對方盛意拳拳，他從場內跨欄而出時仆低，他惟有強忍痛楚，笑住同粉絲合照。