陳爽犀利人妻抱抱御夫
前華姐陳爽早前與圈外男友Anthony拉埋天窗，當提到與老公的相識時，她笑言對方非常厲害，僅用了三個星期就把她追求成功！她又謂如激嬲老公，會使出「愛的抱抱」一招以平息他的怒氣，如此美貌與智慧並重，果然是位「犀利人妻」！
陳爽早前在海南島三亞舉行婚禮，下嫁金融才俊梁梓軒（Anthony），正式加入人妻行列！回想起跟老公的相識，陳爽甚為回味，更笑言老公最初不知道她是誰：「記得兩年前，我參加咗一個聖誕派對，佢咁啱坐咗喺我隔籬，所以就開始傾偈，因為佢幾乎唔睇電視，都唔知我係邊個，仲記得當時佢唔敢攞我電話，就同我講你電話幾號，不如我幫你下載個遊戲，佢拎咗我電話後，我哋就keep住聯絡。」
可付託終身
兩人可謂極速發展，約會了三個星期後，陳爽就答應成為對方的女朋友：「佢真係好叻！我成日同佢講，其他人追幾年都追唔到，但你追咗三個星期就得咗。」不過陳爽亦獨具慧眼，大讚老公：「佢好真誠，亦係一個善良嘅人，可以付託終身！」
唔會嬲好耐
有些戀人吵架當耍花槍，不過陳爽性格溫和，即使被老公激嬲，也非常易氹：「佢成日都話我好好，嬲佢唔會嬲多過15分鐘！有時我發脾氣，佢勸我幾句，通常就會好番。最記得有一次我哋嗌交，佢知我怕凍，竟然買咗一塊暖氈畀我，我覺得好感動！」但問到陳爽如果激嬲老公怎麼辦？她竟笑說：「抱抱佢就會好！」
文：專案組