Ana R.男友貪靚 甘做白老鼠

昨日Ana R.出席有份參與的護膚品牌活動，透露首次跟護膚品牌合作推出產品，她說：「因為我經常飛，會面對唔同天氣，所以覺得護膚好重要，（有何護膚方法？）少啲化妝皮膚就好，同埋愛情都係一個好好嘅幫助，因為可以令人滋潤！」她表示男友Brad十分支持，更不惜犧牲當白老鼠，她笑說：「我成日搵佢做試驗，啱啱先同佢做咗個腳嘅mask，佢都成日請教我護膚心得，所以貪靚唔係女人專利。」

視結婚為踏腳石

問Ana是否有意轉型？她認為應該按部就班，曾表示婚後會減少工作的她，被問到是否有計劃結婚？她甜笑說：「其實我好鍾意model工作，不過婚後就唔可以太性感，因為好多地方只可以留畀老公睇，所以結婚係轉型嘅踏腳石。」說罷又大讚男友很好很體諒她，因此她對這段關係十分重視。

Ana笑言男友Brad貪靚，甘願為她當白老鼠。	Lisa（左）、楊柳青與何紫綸（右）齊齊撐Ana R.。	Lisa S.指胸、肚、躉都胖了，說時一面幸福。

Lisa S.狂放屁

而身懷六甲的Lisa S.就挺着肚子前來支持好友，腹部漸大的她笑言出街被質疑是懷孕還是大肚腩。問到身體有何不適？她說：「我成日要去小便同埋放好多屁，一個鐘要去一次洗手間。」Lisa又表示懷孕後很喜歡吃中國菜和火鍋，現時每天都吃火鍋，老公吳彥祖因拍戲要keep住身形而未能陪吃。同場還有模特兒何紫綸、楊柳青等現身支持。

文：名人組