羅仲謙遭「染黑」恨被定型

藝人羅仲謙在新片《古惑仔：江湖新秩序》中飾演經典角色陳浩南，陳浩南差不多就是鄭伊健的代名詞，現在謙仔被欽點演出，令經典重現，笑言不知箇中原因：「一接到王晶電話嗰陣好開心，之就後開始擔心，因為有壓力！」

謙仔說這部戲的陳浩南不再英雄主義，反而非常真實和人性化：「陳浩南咩都唔做得，唔會再勇字當頭，仲係怕死嘅，唔再係打橫行，始終個社會唔同晒！」飾演這個非常壓抑的浩南，令謙仔羨慕梁烈唯飾演的山雞：「山雞個角色可以無限放大，冇任何框框，好大發揮。」

食煙食到嘔

一直形象陽光、健康的謙仔，笑言望影片將他「染黑」，演此角色除了精神壓力，身體亦備受折磨：「我由唔識食煙到依家學識食煙，試過一場食咗一包煙，食到反胃成個人暈暈哋，黃膽水都嘔埋出嚟！」

謙仔會否怕因而被定型？他說：「可能某一日我會話畀人定咗型係慘吧，但呢一刻我話畀你聽我好想，因為定型代表套戲成功，希望喺街有人叫我陳浩南。」

謙仔期望新片票房大賣，更呼籲鍾意古惑仔的觀眾，可以畀少少空間去睇新的古惑仔：「藝人需要機會，希望大家畀機會我哋。」

攝影：吳文聰

鳴謝：帝盛酒店

化妝：Leo@Annie G Chan Make up Centre

髮型：JanChiu@Il Colpo

服裝：izzue

文：影視組