徐正曦甩假髮阿Sa唔認得
剛改了英文名Jeremy的內地型男徐正曦解說改名的因由：「我以前個名Izz係公司改嘅，而改Jeremy係因為我喺電影《我老婆唔夠秤II：我老公唔生性》入面飾演一個角色叫「林書浩」，咁啱我自己個偶像就係「林書豪」（Jeremy Lin），因為我細個嘅夢想係做籃球員，所以好崇拜啲亞洲人可以喺NBA有自己嘅地位。」
Jeremy表示相隔5年後再度與蔡卓妍（阿Sa，圓圖）合作，不過初和阿Sa再次見面時卻鬧出笑話：「佢完全唔認得我，因為我當年同佢拍戲係戴咗長假髮，不過再見番面阿Sa真係成熟咗好多。」
剛和圈外女友分手半年的他希望能找個圈內人拍拖：「因為圈外人好難了解我嘅生活狀態，兩個人一齊最重要有共同話題先可以相處落去。」