黎芷珊慶功再得獎

黎芷珊於無綫台慶頒獎禮獲得「最佳節目主持」獎後，工作量飆升，加上各大小慶功宴陸續有來，這陣子可謂忙個不休。日前芷珊一班娛樂新聞台同事包括周奕瑋（Jarvis）、黎國輝（阿感）及林子博等共40多人，「羅漢請觀音」以打邊爐形式賀芷珊得獎，場面相當熱鬧。
黎芷珊收到蛋糕及Q版獎座，驚喜萬分。
黎芷珊收到蛋糕及Q版獎座，驚喜萬分。

台前幕後瘋狂一夜至凌晨4點才散局，盡興而歸。Jarvis等為氹前輩一笑出盡法寶，先是訂製5磅印有芷珊得獎靚相的蛋糕，繼而仿照實物造了Q版獎座贈予對方，令芷珊感動不已。芷珊事後接受訪問，直言返家回味更見感觸：「佢哋準備咗一個好似木盒咁嘅嘢畀我，打開原來係佢哋每位有份出席飯局嘅，都寫低咗啲說話畀我，好有心。我返屋企細心再睇，忍唔住喊咗出嚟！」雖然工作接踵而來，但芷珊承諾暫不會離開娛樂新聞台，繼續與一眾兄弟並肩作戰。

芷珊承諾娛樂新聞台的同事會繼續與他們並肩作戰。
  • 芷珊承諾娛樂新聞台的同事會繼續與他們並肩作戰。