蔚雨芯斥頒獎禮唔撐本地薑
樂壇新人蔚雨芯（Rainky）原來跟小巨肺鄧紫棋（G.E.M.）一樣，也是不平則鳴之人，對於早前G.E.M.拍攝短片寸《叱咤》兼缺席示威，Rainky大讚G.E.M.勇敢，她說：「其實G.E.M.只係講咗好多人唔敢講嘅心底話，呢個根本就係小圈子遊戲。」
Rainky直言心中的《叱咤》新人獎應由蒙面歌手龍小菌奪得，然而卻頒給台灣歌手陳芳語，她指今年大會以土炮起來為主題，意思是要撐自己人，她說：「我唔明白點解唔支持香港音樂，雖然陳芳語唱得好好，但始終呢個係香港頒獎禮，係咪應該先頒番畀香港新人先呢？我覺得龍小菌唱得好好，所以佢喺我心目中係第一。」
問到如此大膽發言怕不怕得罪人，她說：「我公司好支持我咁講，其實G.E.M.講嘅嘢真係好英勇，呢個問題出現咗好耐，只係好多人都因為怕得罪某啲機構就唔敢講。」