G.E.M.自認勁過Kay？張繼聰講多謝
張繼聰（Louis）、郭晉安、萬綺雯（蚊蚊）、王祖藍等昨日坐旅遊巴在尖沙咀遊街，宣傳新劇《老表，你好嘢！》，吸引大批途人圍觀。
近日不斷辣火頭的鄧紫棋（G.E.M.），被爆曾謂自己唱歌勁過謝安琪（Kay），Kay老公Louis昨日直言不信傳聞，又笑言：「今期佢（G.E.M.）當旺，靠佢頂住先，我哋都頂過一輪（負面新聞），下次見到佢會同佢講thank you！」G.E.M.聞言後更在微博開名多謝Louis、謝安琪和葉德嫻，自言非常感動！
至於聲沙沙作感冒的蚊蚊表示首次為無綫拍劇感緊張，上車後更開咪大叫：「大家唔好撳錯台呀！我過咗TVB！」心情勁靚！安仔則透露祖藍聲稱收視有40點會結婚，但前提是安仔要再生仔，安仔則戲言：「我生多個佢咪要畀多封利是囉！佢都唔識計數！」