(8)倪淑君喊住學泰拳
應屆候選泰國代表亞姐(8)倪淑君昨日拍攝外景，專程到泰拳學校跟泰籍教練學泰拳兼拉票，雖沒有根基，亦算有板有眼。不過，大抵事前熱身不足，當她轉身踢腿時，不慎扭傷左腳腳眼，教練見狀即扶她稍作休息兼搽按摩膏止痛，期間倪淑君狀甚痛苦，更一度流淚。
倪淑君於受傷前透露對泰拳認識不深，平日會透過電視學習，又會與家庭成員切磋，並透過翻譯表示：「都試過受少少傷，（擔唔擔心整傷面？）我唔太介意，呢個係泰國傳統，同埋都會識出名嘅拳手，好多女仔依家都對呢個運動有興趣，一來可以保護自己，二來又可以keep fit。（印度近日好多強姦案，泰國多唔多？）我哋會保護自己，知道邊啲地方危險係唔會去。」