舒琪撐星爺有才就愛
舒淇昨日出席活動時，被追問有關周星馳孤寒的傳聞，她以「Feel唔到」來力撐！有傳星爺追求，問舒淇是否喜歡星爺的類型？她笑言：「有才華嘅都鍾意！」至於星爺舊拍檔黃一飛及田啟文分別大談星爺，「死對頭」王晶在微博更意有所指！
周星馳（Stephen）近年經常被曾合作過的圈中人圍插他「孤寒」，最近剛與星爺合作《西遊．降魔篇》的舒淇，昨以大露背裝現身香水品牌活動，即被追問有關星爺孤寒的傳聞，舒淇力挺對方：「我Feel唔到佢孤寒！（拍戲嗰陣周星馳有無萬歲？）有！（你同佢邊個多啲？）無計較呢啲嘢！」最近有傳星爺追求舒淇，對此舒淇否認：「我聞唔到追求嘅味道！（如果佢追？）無如果，有就世界唔會亂！（愛唔愛星爺類型？）有才華嘅都鍾意！」
唔肯講馮德倫
舒淇願意談周星馳，但一提到跟星爺同英文名的馮德倫，舒淇即用周星馳來擋：「你哋問嘅Stephen係Stephen Chow？周生有噴香水o架！(問Stephen Fung呀？）唔係宣傳嘢唔講！」記者轉談張震與圈外女友傳好事近，曾跟對方傳緋聞的舒淇坦言不知對方結婚：「未有機會見佢唔知，佢之前出席活動你哋唔問佢？（你知佢嚟咗香港？）睇報紙知。」
另外，王晶昨就星爺近日講過的「要拍好電影才能賺到錢」言論似有所回應，除力數有人搶了別人的創意，據為己有，並上載一張粗口手勢照片，但未幾便刪掉，問王晶何解刪微博？他表示：「費事啲人亂諗！（講緊周星馳？）唔係，只係有感而發！（個不文手勢畀邊個？）無對任何人發手勢。」
一飛田雞幫口
而日前田啟文（田雞）接受電台訪問，談到星爺當年以200元T恤換13張戲票，田雞坦言說出此事只想帶出自己從無攞過星爺着數，並非指星爺數口精！在田雞眼中，星爺並非很差的人，只是好多事可以做得好一點，可減少被批評。
曾跟他合作過《少林足球》的黃一飛則幫口指星爺確有缺點，但可能是星爺讀書唔多，出身家境普通，令他過於保護自己，又勸籲大家亦不應一沉百踩。
文：影視組