高海寧姦計斬件上噓爆9秒

劇集《法網狙擊》有不少女星包括苟芸慧、王君馨、陳庭欣等性感演出，前晚播出高海寧被強姦的一幕，迅即掀起熱話。不過，繼徐子珊在《雷霆掃毒》的「一秒被姦」戲遭噓爆後，前晚劇中高海寧被白健恩毒打，繼而強姦到完事不足兩秒，更沒有高海寧騷大玉背的場面，令一眾宅男相當失望！有網友情願睇陳煒的三點式泳衣演出。而昨晚高海寧的「大玉背」分多個鏡頭播出，都只得7秒，觀眾大叫搵笨。

自己睇番都喊

高海寧昨日接受電話訪問時表示，前晚特地留在家收看「自己被姦」，坦言看得相當緊張：「睇嘅時候個心跳得好快，嗰種傷心一次過湧晒出嚟，搞到我邊睇邊喊！」而戲份播出後，她收到不少朋友及同事的短訊，微博亦有大批留言，令她感到有壓力。問會否期待收視有突破？她謂：「當然期望，呢場戲台前幕後都花咗好多心思。楊怡同監製都不停教我投入感情戲，拍時監製都感動到喊。」

拉入房

喪摑

談到該場強姦戲遭網友批評，繼徐子珊的「一秒被姦」後再呃觀眾，更將高海寧的露背片段「斬件」分兩日播出，明顯想谷收視，高海寧回應：「我覺得呢個係劇情需要，咁剪輯我覺得好正常。（fans唔夠喉？）咁佢哋期望太高啫，我哋又唔係賣弄色情。」

完事	高海寧另一賣點，露玉背的戲份，竟被無綫「斬件」播出，遭觀眾噓爆。

白健恩感尷尬

至於虐打高海寧的白健恩亦坦言因工作而沒有收看前晚的強姦戲，而事後他的角色被觀眾指摘，他謂：「唔怕，觀眾有反應都係好事，我都知高海寧啲fans都戥佢唔開心，但呢個只係劇情，唔係真嘅。」他又指拍強姦戲甚有難度，過程尷尬，問他會否挑戰更高尺度？他言：「我乜都肯做，全裸當然唔得啦！」

文：影視組