戚黛黛冇工開 張啟樂含淚
早前被亞視解僱的戚黛黛、張啟樂、陳綺雯及車車（張紫櫻），昨午接受now台節目《雙梁計》訪問，重提因缺席培訓班被炒的始末及感受，張啟樂表示當時有工作在身，藝員部一度叫他不用上堂，問到是否覺得亞視混亂？他說：「交畀公眾定奪，我冇話一定唔上堂，只係唔係計騷錢，藝員應該可以選擇。」他表示向來視亞視為「出身地」，一度感觸得眼濕濕。
戚黛黛則表示冬至被炒後，仍要收拾心情跟家人做冬：「我主動交代畀人炒咗，屋企人都好擔心，婆婆面色仲變晒。」四人表示未有新工作，但王維基的香港電視未有聯絡他們。問到會否向亞視訴諸法律？他們表示已跟律師商量，但暫時未決定行動，並指被炒後已多於7天，但亞視尚未發放人工。不過，亞視高層葉家寶表示，跟足勞工條例向4人出糧，昨午已聯絡他們隨時可拎支票。