Celia捽唔停 狙擊Iris
火速上位o靚模Celia K.去年接Job不停，更踩過界北上捽碟，2013年她誓要挑戰同門師姐「爆E超蓮」Iris及「混血咪神」Monna，爭做打碟女王！Iris則笑言未驚過，有信心可走勻全國擴闊版圖，希望月賺20萬元！
過去一年人氣急升的o靚模Celia K.（郭穎兒）與同門師妹MeiMei（曾善美）、Asa（關莉莎）、Ayu（王梓如）及Moka（方媛）組成的性感打碟組合「Voodoo Girls」，過去幾個月經常獲邀返內地登台，與師姐「爆E超蓮」Iris（鍾采羲）及「混血咪神」Monna（林宜芝）一樣勁受歡迎，似乎Celia想挑戰兩位師姐爭做打碟女王！
恨演醜女
Celia表示近幾個月出騷約30場，實戰經驗十足，因此要在DJ界上位可謂無難度，但她仍大讚Iris及Monna「實力」不容忽視：「Iris不嬲身材最好，我點都贏唔到，Monna就好靚好有魅力，而且佢兩個好熟跳舞音樂，所以我想喺技術度更上一層樓！」問到上位中的她會否想單飛出騷？她說：「同其他成員相處得好開心，多個女仔有個照應嘛。」提到其他新年願望，她表示想接拍更多不同種類的電影：「啱啱拍嘅微劇要不停喊，嚟緊想試吓演醜女惡女！（性感？）如果大家仲想睇，我唔介意。」感情上Celia希望「更清醒」，覓得一位可依靠又忠心的好男人。
唔急拍拖
面對師妹狙擊，Iris則處之泰然，笑言冇驚過：「其實我哋都好friend嘅，有錢齊齊搵啦！我希望新一年打碟打勻全中國，每個月搵到20萬蚊！」她又直言來年會寄情工作，不急於拍拖，叫追求者慢慢等。
文：影視組