張文慈難得放假出「煮」意氹家人
近日忙於登台搵真銀的張文慈（Pinky），難得除夕有假放，即相約三五知己到又一城睇戲歎茶，然後再到大型超級市場「濕平」。Pinky放下平日性感形象，躋身主婦堆中揀生果、壽司、芝士、黑毛豬腿肉，排隊付款期間，就連沐浴露及奶粉亦不放過，滿手大包細包的她，再急步到附近的電器店選購暖爐，最後在友人陪同下往停車場取車離開。
事後與Pinky取得聯絡，她笑說：「真係放得一日假，諗住親手整啲好嘢食，同屋企人開吓Party，因為聽日（今天）又要出埠。（見你買暖爐。）送畀爸爸嘅，不過都驚被佢鬧，話電費貴。」原來早前她出席澳門賭場慶典時，全枱人中獎20餘萬，平分後大家過肥年。
