趙彤獲葛優指點 幾晚瞓唔着
近年專注在內地發展的台灣女主播趙彤（Yedda），早前以一身低胸大露背裝擔任《2012華娛衞視亞洲十大紅人盛典》大會主持，搶盡風頭。Yedda表示當晚心情既興奮又緊張，因為與城中名人明星同台，包括內地著名演員葛優、台灣偶像吳建豪等，Yedda說：「當我知道自己有份為呢個騷做主持人，開心到幾晚瞓唔着，因為可以近距離同葛優接觸。佢係我一位好欣賞嘅演員，超級好戲，結果當晚我同佢真係有一個好難得嘅交流，佢同我分享點先成為一位好演員，真係令我畢生受用。」
提到早前Yedda被傳整容，忽然出現尖下巴和大眼睛，Yedda對此很氣憤，並澄清：「我出道以來面形都無變過，一直都係瓜子面，以前大家話我初出道面尖尖似蔡少芬，點解依家又話我以前下巴唔尖，依家先尖呢！可能係我最近轉咗短髮LOOK，令塊面突出咗。」