周志康 1 take過 風騷晒V
《巨聲》孖仔周志文和周志康唔單止心靈相通，行動仲非常一致，日前兩人就一同去考車牌，雖然考試之前孖仔顯得有點緊張，細孖最後都能1 take pass考獲車牌！而大孖考泊位亦成功過關！得意忘形的大細孖更攞住張cert大擺勝利pose，認真得戚！
「巨聲幫」的雙胞胎周志文與周志康日前孖住到沙田駕駛學院考車牌，當日細孖周志康要考最後路試，而大孖周志文則會在翌日先考泊位，之後再考路試，細孖周志康表示等候考試開始的心情非常緊張：「之前啲技巧嘢都有溫習過，但個心都係卜卜咁跳！尋晚仲有啲失眠，但知道最緊要定，因為揸車多突發嘢。」不過路試開始後，細孖表現卻相當淡定，開車前做足所需步驟，下車後更自言一切順利，不過成績發布前一刻兩兄弟依然顯得很焦慮，但當得知成功pass後，兩人都如釋重負，互攬慶祝之餘，又對鏡頭做鬼馬表情，更手握證書展示勝利手勢。
孝順車阿媽
對於大孖周志文翌日要考泊位，之後還要考最後路試，細孖都祝福他能1 take pass：「都知道阿哥拍劇忙，唔係好上夠堂，但阿sir話我哋兩個都有啲sense，希望阿哥考之前都可以養夠精神，能夠1 take pass。」問到兩兄弟有否儲定錢買車？細孖笑說：「啲朋友通常都話第一架車就唔好買咁靚嘅，依家未買住就可能借朋友自動波車試吓先，我自己就考棍波嘅，同埋認路都好難，香港啲路比較複雜。」而大孖則謂：「其實我哋學車嘅原因係為咗拍劇，但之後買車可能會兩份揸住先，車吓啲朋友咁，（會唔會車女仔？）車阿媽囉。」而翌日大孖亦都無驚無險完成泊位考試，考獲車牌在望。
文：音樂組