唐詩詠恨買千呎大宅

無綫花旦唐詩詠近期不斷到外地登台搵真銀，進帳了六位數字，她不諱言年尾及農曆新年檔期仍會繼續工作搵錢，問到有否買禮物獎勵自己？她謂：「未呀！我想搵錢買樓，希望出年可以做到，同屋企人一齊住，我心目中想買一千呎地方，可以一家人住得舒舒服服，（儲夠錢？）未，要再努力啲。」不過，詩詠剛剛到過韓國旅行，她表示就當是獎勵自己的禮物，她更透露因為劇集《大太監》於大陸收得，就連去到韓國，都有人叫她做「王后」，令她大感意外：「喺街有啲中國人叫我王后，亦有啲喺韓國讀書嘅人咁樣稱呼我，自己都好開心，真係第一次。」詩詠直言此行花費了五位數字買禮物給自己。