張文慈懵遊金三角
張文慈（Pinky）、李蕙敏及謝賢等日前出發到泰國金三角地帶登台。Pinky自言平日做人「懵懵地」，就連飛住哪裏公幹也鬧出笑話：「我連老撾同老沃都搞錯、一直話畀人聽自己去菲律賓，原來係去三不管地帶，好彩身邊都有好似四哥（謝賢）呢啲猛男相伴。」
Pinky笑言此行有不少回憶：「因為係泰國邊境，所以都有機會見到啲好靚嘅人妖，仲好開心同佢哋合照添。其實我仲以為有罌粟花睇，點知人哋話已經冇種好耐，真係娘爆。」此行他們經歷海、陸、空旅程才輾轉抵埗，她更於當地碼頭聽見很多懷舊金曲，恍如時光倒流：「講真，呢哋地方平日唔會自己去，所以都算係一次難忘嘅旅程。」