Super Girls 唔敢取代鍾嘉欣

五人女子組合Super Girls（SG）最新派台歌《放過我吧》大獲好評，榮登電台流行榜亞軍位置，日前五女出席歌迷會成立日暨慶祝派對，吸引數十粉絲參與，身為唱片老闆的何哲圖（Herman）亦抽空支持，與SG開香檳及合照，由於成員Cheronna及Yanny分別於本月生日，歌迷分別送上蛋糕。

對於獲老闆現身打氣，Aka說：「佢一向都親力親為，呢個活動都係佢搵場地。」由於有指Herman對鍾嘉欣寵愛有加，SG被取笑取代到嘉欣BB，Aka否認說：「唔係啦！嘉欣BB好難取代到，其實我哋同嘉欣都好好朋友，有時做嘢都會見到佢。（佢好得老闆心？）老闆都錫我哋。」

老闆何哲圖（前排右三）現身歌迷聚會，令SG十分感動。

隊長Aka跟粉絲大玩遊戲。

頒獎禮平常心

SG特別揀選寓意賺到盆滿缽滿的「荷包花」及愈做愈長的「長壽花」送給歌迷。對於各大頒獎禮陸續舉行，五女異口同聲表示有信心，Aka說：「新歌上咗第二位對我哋打咗支強心針，不過老闆都叫我哋以平常心參加。（老闆同無綫關係好，應該有獎？）佢冇講過，有當然開心！」

文：音樂組