梁麗翹探病童唔敢喊

前港姐梁麗翹（Nicole）日前偕兒童節目主持杜大偉到醫院探訪一班患癌兒童，與他們提早慶祝聖誕節，眾人除大玩遊戲外，二人又大派禮物氹小朋友開心。首次當義工探病童的Nicole覺得該活動很有意義，她又感慨地憶述：「嗰日喺隔離病房見到個兩、三歲嘅妹妹插晒喉，當時佢媽咪餵緊佢食嘢，我哋都有過去同佢傾偈，佢都表現得好開心。見到病房入面患重病嘅小朋友，我覺得佢哋咁細個就咁辛苦，當時都好想喊，但我吞番啲眼淚入去，因為見到佢哋好正面、好堅強，都影響到我要珍惜身邊人。」Nicole又希望病童盡快康復，以及他人也會受其感染多做義工及關心他人。