婚後復出拍劇的陳煒，與營商的老公分隔兩地早已習慣，二人昇華了的感情卻被周刊指出現問題，煒哥昨日勞氣表示報道無聊，老公得悉亦覺難過，惟有當為劇集《法網狙擊》宣傳。煒哥說：「上星期我喺葵芳宣傳，我老公返咗嚟，但佢要同個客開會，都特別約個客去我宣傳地方附近食飯，目的都係爭取機會見面，點解成日都話我婚姻有危機？好無聊！」